Ep127 西炒飯

材料

• 洋蔥 ⅓至半個 （視乎大小；切粒）
• 腸仔 兩條 （切粒）
• 三文治火腿 兩片 （切粒）
• 粟米粒 兩湯匙
• 蛋 兩隻 （1隻打成蛋液炒飯用；另一隻煎蛋用）
• 白飯 1飯碗 （耙鬆，置室温）

調味料

• 茄汁 兩湯匙
• 鹽 半茶匙

做法

1. 中大火燒熱炒鑊，落食用油潤鍋。搖動鑊使油均勻分佈鑊的表面，加熱至油冒煙，把油倒出盛起。
2. 重新加入未經加熱的食用油至鑊中，爆香洋蔥粒。洋蔥變軟，即加入腸仔粒、火腿粒及粟米粒兜勻。盛起所有以上已炒勻的材料備用。
3. 保持中大火，原鑊加入食用油，落蛋漿。當蛋漿約六、七成熟，白飯下鑊，快手炒勻令蛋和飯分開。加入適量鹽調味，兜勻。
4. 將步驟2的材料回鑊，拌入蛋和白飯中兜勻。加入茄汁，盡快炒勻全部醬料及材料（建議加入茄汁後拋鑊數次，盡快兜勻材料，以免茄汁容易燒焦。）。熄火，上碟。
5. 要再高層次一點，在熱鑊中煎一隻燶邊太陽蛋，鋪在西炒飯上就更加完美。哈哈！